Sjølv om «alle» seier ein må finne ei nisje og helde seg ute-lukkande til denne, nektar eg. Eg er ein kreativ og tenkande generalist med sansen for alt som får ein til å tenke, undre og føle.

Foto er det eg har jobba lengst med, men eg er og over gjennomsnittet interessert i bøker - både skrive, lese, samle og designe dei. Estetikk, design og mote er også noko eg har stor interesse for, og eg drøymde lenge om å bli kles-designer heilt fram til eg innsåg at eg ikkje er så glad i å sy.

Eg er engasjert, flink til å heie på andre, utvikle gode konsept og gjennomføre nye idear. På denne nettsida kan du sjå det eg driv på med og kva eg kan tilby. Eg håpar du får ei fin stund her inne - og tek turen att!