Få designa ditt heilt unike notatboketui i resteskinn som varar livet ut.
Anten du brukar fleire tynne notatbøker, eit par tjukke, eller ei stor, kan eg hjelpe deg å lage eit etui som vil passe deg og dine behov.
Eit notatboketui i skinn gir deg fleire moglegheiter til eit oppsett som passar deg, og du kan spare pengar på å kjøpe notatbøker med mjuke omslag. I tillegg kan du ha fleire notatbøker til ulike ting. Kva med eit linjert ei til dagleg refleksjon, og ein datert ein til å planlegge livet, og til slutt ein blank der du kan slå deg laus kreativt?
Saman kjem me opp med eit design som kan passe deg i alle år framover. Under kjem litt info for å hjelpe deg få eit etui som kan passe deg perfekt. Der finn du og lenke til galleriet med alle materialer eg har tilgjengeleg. Og du vil sjå allereie laga etui som du kan få for ein skikkeleg god pris!
-
Skinnet som blir bruka til etuia er utelukka resteskinn. Det blir funne frå mellom anna Aurlands som er ein tradisjonsrik produsent av sko og vesker i skinn som har heile sin produksjon i Noreg.
-
For at du skal ville bruke etuiet ditt i alle år, har eg lyst til at du skal få eit heilt personleg etui som er tilpassa dine ynskjer. Det er ikkje berre reint praktisk, men og ved å bruke anheng eller dekor som gir sentimental verdi til ditt etui.
-
Eg er oppteken av tidlause design. Ved å halde etuiet enkelt, kan det kle deg i alle år framover. Godt design handlar og om funksjon, og det er viktig at du får eit etui som funkar godt til ditt bruk!
Slik her gjeng prosessen føre seg. Håpar du tek kontakt :)
Mens du ventar, kan du laste ned gratis klistremerke-ark du kan printe ut sjølv heime.
Alle filene er tilpassa A4, men kan fint printes ut mindre om ein ynskjer mindre klistremerke. Print fila på klistremerke-papir (eg brukar dette frå Clas Ohlson) og klipp ut. Voila!